កម្ពុជាឈ្នះម៉ាឡេស៊ី ៣-២ ក្នុងការប្រកួតហ្វុតសាល
May 4, 2006
កម្ពុជាបានសាងលទ្ធផលដ៏គួរឲ្យភ្ញាក់ផ្អើលបំផុតមួយ ដោយបានប្រកួតឈ្នះម៉ាឡេស៊ី ៣ ទល់នឹង ២ នៅថ្ងៃបើកឆាកនៃការប្រកួតកីឡាបាត់ទាត់ហ្វុតសាលដណ្ដើមពានរង្វាន់សមាគមន៍បាត់ទាត់អាស៊ាន (AFF) កាលពីម្សិលម្ង៉ៃនេះ នៅឯប្រទេសថៃ ។ នៅនាទីទី ១៣ ប្រធានក្រុមម៉ាឡេស៊ី Mohd Saiful Mohd Noor បានស៊ុតបញ្ចូលទីនាំមុខកម្ពុជា ១-០ ប៉ុន្តែកីឡាករកម្ពុជា ហុត សុទិត្យា បានស៊ុតយកស្មើវិញនៅ ២ នាទីបន្ទាប់ ។ នៅនាទីទី ២៣ កីឡាករ សាន សូផាន់ណា បានស៊ុតមួយគ្រាប់ទៀតឲ្យកម្ពុជានាំមុខ ២-១ ប៉ុន្តែម៉ាឡេស៊ីបានវាយបកយកស្មើវិញនៅនាទីទី ៣៧ ។ នៅមិនទាន់អស់ចិត្ត សូទិត្យា បានបន្ថែមមួយគ្រាប់ទៀតដែលជាគ្រាប់ជ័យជំនះសម្រាប់កម្ពុជា ។
គួរបញ្ជាក់ផងដែរថា កម្ពុជាស្ថិតនៅក្នុងពូល បេ ជាមួយនឹងម៉ាឡេស៊ី, វៀតណាម និង ឥណ្ឌូនេស៊ី ដែលសុទ្ធតែជាជើងខ្លាំង ។ នៅថ្ងៃបើកឆាកនោះ វៀតណាមក៏ចាញ់ឥណ្ឌូនេស៊ីក្នុងលទ្ធផល ៦-៣ ផងដែរ ។ រីឯពូល អា វិញមានតែបីក្រុមប៉ុណ្ណោះគឺ ថៃ, ភូមា និង ប្រុយណេ ។
ដក់ស្រង់ពី ទីនេះ
Random Topics 